თურქეთის პრეზიდენტმა რეჯეფ თაიფ ერდოღანმა დაგმო ირანული დრონებით აზერბაიჯანზე თავდასხმა.
„პრეზიდენტმა ერდოღანმა აზერბაიჯანის პრეზიდენტ ილჰამ ალიევთან სატელეფონო საუბარი გამართა. ლიდერებმა ნახჭევანის ავტონომიურ რესპუბლიკაზე თავდასხმა განიხილეს. პრეზიდენტმა ერდოღანმა დრონებით თავდასხმა დაგმო და თანადგომა გამოუცხადა პრეზიდენტ ალიევს და აზერბაიჯაელ მოძმე ხალხს“, - ნათქვამია თურქეთის პრეზიდენტის ადმინისტრაციის მიერ გამოქვეყნებულ განცხადებაში.
ხუთშაბათს, უფრო ადრე, ალიევმა ქვეყნის უშიშროების საბჭოს სხდომა გამართა ირანის მიერ ნახჭევანის ავტონომიურ რესპუბლიკაზე განხორციელებულ დრონით თავდასხმასთან დაკავშირებით.
ალიევმა აღნიშნა, რომ აზერბაიჯანი მკაცრად გმობს ამ ტერორისტულ აქტს და მისი ჩამდენი პირების დაუყოვნებლივ დასაჯას მოითხოვს. მან აღნიშნა, რომ აზერბაიჯანი ირანისგან მოითხოვს ახსნა-განმარტებას, ბოდიშს და სისხლისსამართლებრივ დევნას იმ პირების მიმართ, ვინც ეს ტერორისტული თავდასხმა ჩაიდინა.
