შეერთებულმა შტატებმა ზღვაში, ირანის სანაპიროდან 2000 მილის დაშორებით სიმხეცე ჩაიდინა, - ამის შესახებ ირანის საგარეო საქმეთა მინისტრი აბას არაღჩი X-ზე წერს.
"შეერთებულმა შტატებმა ზღვაში, ირანის სანაპიროდან 2000 მილის დაშორებით სიმხეცე ჩაიდინა.
ფრეგატ Dena-ზე, რომელზეც ინდოეთის საზღვაო ძალების დაახლოებით 130 მეზღვაური იმყოფებოდა, საერთაშორისო წყლებში გაფრთხილების გარეშე თავდასხმა განხორციელდა.
დაიმახსოვრეთ ჩემი სიტყვები: შეერთებული შტატები დიდხანს მწარედ ინანებს მის მიერ შექმნილ პრეცედენტს" , - წერს არაღჩი.
შეგახსენებთ, შრი ლანკის სანაპიროებთან ირანულ გემს ამერიკულმა წყალქვეშა ნავმა დაარტყა. აშშ-ის ომის მდივნის, პიტ ჰეგსეთის თქმით, ინდოეთის ოკეანეში მცურავ ირანულ ფრეგატზე თავდასხმა ტორპედოთი განხორციელდა, რაც მეორე მსოფლიო ომის შემდეგ წყალქვეშა ტორპედოს გამოყენების პირველი შემთხვევა იყო. ბოლო მონაცემებით, დარტყმის შედეგად, სულ მცირე, 80 ადამიანი დაიღუპა.
