ისრაელის საჰაერო ძალებმა, დაზვერვის მონაცემების საფუძველზე, ბეირუთში „ჰეზბოლას“ რამდენიმე სამეთაურო ცენტრზე დარტყმების ტალღა განახორციელა, - ამის შესახებ ისრაელის თავდაცვის ძალები იუწყება.
მედიის ცნობით, თავდასხმის სამიზნეებს შორის იყო ის სამეთაურო ცენტრიც, რომელსაც „ჰეზბოლას“ საჰაერო დანაყოფი იყენებდა.
„ჰეზბოლა“ იმ სამეთაურო ცენტრების, რომლებზეც დარტყმები განხორციელდა, ისრაელის თავდაცვის ძალების ჯარებისა და ისრაელის მშვიდობიანი მოსახლეობის წინააღმდეგ სხვადასხვა ტერორისტული თავდასხმის განსახორციელებლად გამოყენებას გეგმავდა“, - აღნიშნულია ისრაელის თავდაცვის ძალების განცხადებაში.
ამასთან, როგორც უცხოური მედია იუწყება, ისრაელი ლიბანს მთელი კვირის განმავლობაში ბომბავს, მას შემდეგ, რაც ირანის მიერ მხარდაჭერილმა სამხედრო დაჯგუფებამ ლიბანიდან ისრაელის მიმართულებით ჭურვები ისროლა.
