საბერძნეთის პოლიციამ კრეტაზე აშშ-ის საზღვაო ბაზასთან დაკავშირებით ჯაშუშობის ბრალდებით 36 წლის საქართველოს მოქალაქე დააკავეს. ინფორმაციას გამოცემა Kathimerini ავრცელებს.
სამართალდამცავი ორგანოების ცნობით, 36 წლის კაცი გერმანიიდან 3 თებერვალს ჩავიდა და სუდის ყურის მახლობლად მდებარე სასტუმროში გაჩერდა.
კაცს ეროვნული სადაზვერვო სამსახური (EYP) უთვალთვალებდა და ის ათენის საერთაშორისო აეროპორტში ჩასვლისთანავე დააკავეს.
მაღალჩინოსნების თქმით, გამომძიებლებმა მოიპოვეს მტკიცებულებები, რომელიც ამყარებს ეჭვს, რომ დაკავებული ჯაშუშურ საქმიანობას ეწეოდა, თუმცა, ჯერჯერობით საქმის დეტალები არ გავრცელებულა. სამართალდამცავები იძიებენ შესაძლებლობას, რომ დაკავებული სადაზვერვო ინფორმაციას ირანისთვის აგროვებდა.
საბერძნეთის დაზვერვის წყარომ განაცხადა, რომ ეჭვმიტანილის ტელეფონში ამერიკული ავიამზიდის ფოტოები იპოვეს.
