საფრანგეთის პრეზიდენტმა ემანუელ მაკრონმა ქვეყნის ბირთვული არსენალის გაფართოების შესახებ განაცხადა.
როგორც მაკრონმა აღნიშნა, მისი პასუხისმგებლობაა უზრუნველყოს, რომ შეკავების მექანიზმებმა შეინარჩუნოს და განაგრძოს თავისი დამანგრეველი ძალის შენარჩუნება საშიშ და არასტაბილურ გარემოში.
„სწორედ ამიტომ გავეცი ბრძანება ჩვენს არსენალში ბირთვული ქობინების რაოდენობის გაზრდის შესახებ“, - განაცხადა საფრანგეთის პრეზიდენტმა.
ამავდროულად, მისი თქმით, ამიერიდან საფრანგეთის ბირთვული არსენალის შესახებ ციფრული მონაცემები არ გამოქვეყნდება.
„ნებისმიერი სპეკულაციის დასრულების მიზნით, ჩვენ აღარ გავამჟღავნებთ ჩვენი ბირთვული არსენალის რაოდენობას, განსხვავებით იმისა, რაც შეიძლება წარსულში გაგვეკეთებინა“, - თქვა მან.
მაკრონმა ასევე აღნიშნა: „იმისათვის, რომ იყო თავისუფალი, პატივისცემა უნდა გამოიწვიო, ხოლო იმისათვის, რომ პატივისცემა გქონდეს, ძლიერი უნდა იყო“.
