ირანის ეროვნული უსაფრთხოების უმაღლესი საბჭოს მდივნის, ალი ლარიჯანის განცხადებით, მალე შეიქმნება დროებითი ხელმძღვანელობის საბჭო და აირჩევა ირანის ახალი უზენაესი ლიდერი.
თავის განცხადებაში ლარიჯანიმ ასევე განაცხადა, რომ ისრაელი ირანის გაყოფას ცდილობს.
თუმცა, მისი თქმით, „ყველა შეთქმულება, რომელიც ისრაელმა ისლამური რესპუბლიკის წინააღმდეგ მოაწყო, ახლა ჩაშლილია“.
„ერი არ დაუშვებს, რომ სხვებმა ირანი გახლიჩონ. აშშ-მა და სიონისტებმა ირანელ ხალხს გულში დანა ჩაარტყეს და ჩვენც მათ გულში დანით დავჭრით. ირანი მთელი თავისი ისტორიის განმავლობაში ყველანაირ აგრესიას ეწინააღმდეგებოდა. ხალხმა გვერდზე უნდა გადადოს განსხვავებები და გაერთიანდეს“, - თქვა ლარიჯანიმ.
1 მარტის ღამეს, აშშ-ის პრეზიდენტმა დონალდ ტრამპმა გნაცხადა, რომ „ისტორიაში ერთ-ერთი ყველაზე ბოროტი ადამიანი“ - ირანის უზენაესი ლიდერი ალი ხამენეი მკვდარია.
ამის შემდეგ ირანმა ქვეყნის უზენაესი ლიდერის, ალი ხამენეის დაღუპვა დაადასტურა. ქვეყანაში 40-დღიანი გლოვა გამოცხადდა.
