გაერო-ს უშიშროების საბჭო ირანსა და ახლო აღმოსავლეთში არსებული ვითარების განსახილველად საგანგებო სხდომას გამართავს.
გაეროს უშიშროების საბჭო ნიუ-იორკის დროით 16:00 საათზე რიგგარეშე სხდომას გამართავს, რათა განიხილოს „ახლო აღმოსავლეთში არსებული ვითარება“.
საგანგებო შეხვედრის გამართვა მოითხოვეს საფრანგეთმა, ბაჰრეინმა, კოლუმბიამ, ჩინეთმა და რუსეთმა.
უშიშროების საბჭოს რიგგარეშე სხდომის გამოცხადებამდე ცოტა ხნით ადრე, გაერო-ს გენერალურმა მდივანმა ანტონიო გუტიერეშმა დაგმო ახლო აღმოსავლეთში კონფლიქტის ესკალაცია.
„აშშ-სა და ისრაელის მიერ ირანის წინააღმდეგ ძალის გამოყენება და ირანის შემდგომი საპასუხო დარტყმები მთელ რეგიონში ძირს უთხრის საერთაშორისო მშვიდობისა და უსაფრთხოების საფუძვლებს“, - თქვა მან.
