„ერთიანი ნაციონალური მოძრაობის“ ერთ-ერთი ლიდერის, ლაშა ფარულავას განცხადებით, პარტია ეროვნული ბანკის პრეზიდენტის, ნათია თურნავას გადადგომას ითხოვს და სანქციების აღსრულების მონიტორინგს იწყებს. ლაშა ფარულავა ეხმიანება ეროვნული ბანკის პრეზიდენტის, ნათია თურნავას განცხადებას „იმედისა“ და POSTV-ის დასანქცირებაზე.
ლაშა ფარულავას თქმით, ნათია თურნავა 38 000 ლარის ანაზღაურებას სანქცირებული პირების დასაცავად არ იღებს.
ნათია თურნავა 38 000 ლარის ანაზღაურებას არ იღებს სანქცირებული პირების დასაცავად. მისი მოვალეობა არის ხალხის ინტერესების დაცვა და ფინანსური სტაბილურობის უზრუნველყოფა. თუ იგი ვერ ან არ უპირისპირდება პოლიტიკურ ზეწოლას, მოვუწოდებთ გადადგეს.
ადრე ხელისუფლებამ დაიცვა ოთარ ფარცხალაძე, რომელიც საერთაშორისო სანქციების ქვეშ მოექცა, ხოლო ახლა იცავს იმ მედიასაშუალებებს, რომლებიც, რუსული ჰიბრიდული ომის ნარატივებს ავრცელებენ," - განაცხადა ლაშა ფარულავამ.
24 თებერვალს დიდმა ბრიტანეთმა ტელეკომპანიები „იმედი“ და „პოსტივი“ დაასანქცირა. დიდი ბრიტანეთის მთავრობის ცნობით, „იმედსა“ და POSTV-ის სანქციები დაუწესდათ, როგორც „რუსული დეზინფორმაციის გავრცელებაში ჩართულ ორგანიზაციებს“. აღნიშნულ საკითხთაბ დაკავშირებით საქართველოს ეროვნული ბანკის პრეზიდენტმა, ნათია თურნავამ განაცხადა, რომ კომერციული ბანკები ვალდებულნი არიან იმოქმედონ საქართველოს კონსტიტუციისა და კანონმდებლობით დადგენილი ნორმების შესაბამისად.
