დიდ ბრიტანეთში დრონების მწარმოებელი პირველი უკრაინული თავდაცვის ქარხანა -Ukrspecsystems. იხსნება.
ამის შესახებ უკრაინის ელჩმა დიდ ბრიტანეთში ვალერი ზალუჟნიმ განაცხადა. წერს უკრაინული მედია.
„დიდ ბრიტანეთში წარმოების დაწყებას ღრმა სტრატეგიული ლოგიკა აქვს. ეს არ არის სიმძიმის ცენტრის უკრაინიდან გადატანა. ეს ჩვენი ერთობლივი შესაძლებლობების გაფართოება და სტაბილურობის მეორე მარყუჟის შექმნაა, რომელიც წარმოების უწყვეტობას უზრუნველყოფს“, - წერს ის.
მისი თქმით, საინჟინრო ექსპერტიზის ცენტრი უკრაინაში რჩება, ხოლო წარმოება გაერთიანებულია დიდი ბრიტანეთის თავდაცვის ეკოსისტემაში. ეს ნიშნავს, რომ საუბარია პარტნიორობის ახალ დონეზე, რომელშიც მოკავშირეები არა მხოლოდ ერთმანეთს უჭერენ მხარს, არამედ ერთობლივად ქმნიან ერთიან სამრეწველო უსაფრთხოების საფუძველს.
ელჩი მიიჩნევს, რომ დასავლეთში შესაძლოა ადგილობრივი ტექნოლოგიები მოთხოვნადი იყოს, რადგან უკრაინელი ინჟინრები ავითარებენ გადაწყვეტილებებს, რომლებიც პირდაპირ ფრონტის ხაზზე არსებულ გამოცდილებას ეყრდნობა.
