სამწუხაროდ, ნაცრისფერი ზონები რუსეთსა და ნატო-ს შორის, ევროკავშირს შორის ყოველთვის იყო მწვანე შუქი რუსეთის აგრესიისთვის. ჩვენ ეს ვნახეთ 2008 წელს საქართველოში. ხვალ ასევე აღვნიშნავთ უკრაინის წინააღმდეგ სრულმასშტაბიანი ომის მეოთხე წლისთავს, - ამის შესახებ ესტონეთის საგარეო საქმეთა მინისტრმა, მარგუს ცაჰკნამ ბრიუსელში ჟურნალისტებს განუცხადა.
"ხვალ ესტონეთი დამოუკიდებლობას აღნიშნავს. ჩვენ მოვიპოვეთ დამოუკიდებლობა რუსეთთან გამარჯვებით. მაგრამ მინდა ვთქვა, რომ ევროკავშირსა და ნატო-ში გაწევრიანების გარეშე ახლა აქ არ ვიდგებოდი როგორც თავისუფალი ქვეყნის წარმომადგენელი. სამწუხაროდ, ნაცრისფერი ეპოქა ნატო-ს, ევროკავშირსა და რუსეთს შორის, ყოველთვის იყო მწვანე შუქი რუსეთის აგრესიისთვის. ეს ვნახეთ 2008 წელს საქართველოში. ხვალ ასევე აღვნიშნავთ სისხლისღვრის მეოთხე წლისთავს უკრაინის წინააღმდეგ. თუმცა ეს ომი დაიწყო 2014 წელს. რასაც ვხედავთ არის ის, რომ პუტინი საერთოდ არ ცვლის თავის მიზანს და მშვიდობიან მოსახლეობაზე უფრო და უფრო მეტ დარტყმებს ახორციელებს. როგორც ვთქვი, ეს ნაცრისფერი ზონები, ნეიტრალიტეტი და რაც არ უნდა ვუწოდოთ ამას, მხოლოდ მწვანე შუქია პუტინისთვის, განაგრძოს", - აღნიშნა ესტონეთის საგარეო უწყების ხელმძღვანელმა.
