22 თებერვლის ღამეს კიევის ოლქზე რუსეთის თავდასხმის შედეგად, დაშავებულთა რაოდენობა 15-მდე გაიზარდა, მათ შორის ოთხი ბავშვია. ინფორმაციას კიევის ოლქის სამხედრო ადმინისტრაცია ავრცელებს.
ფასტოვის რაიონში მაშველებმა ნანგრევებიდან რვა ადამიანი ამოიყვანეს. მათგან შვიდს სხვადასხვა სიმძიმის დაზიანებები აღენიშნებოდა, ერთი კი მიღებული ჭრილობების შედეგად გარდაიცვალა.
ოთხი დაშავებული სამედიცინო დაწესებულებაში გადის მკურნალობას. სამის მდგომარეობა მძიმეა,
ასევე დაშავებულები არიან ბორისპოლის, ვიშგოროდის, ობუხივის და ბუჩას რაიონებში.
22 თებერვლის ღამეს და დილით, რუსებმა კიევის ოლქზე მასშტაბური თავდასხმა განახორციელეს, რომლის დროსაც რაკეტები და დრონები გამოიყენეს.
