სლოვაკეთის პრემიერ-მინისტრმა რობერტ ფიცომ განაცხადა, რომ თუ უკრაინა ორშაბათამდე რუსული ნავთობის სლოვაკეთში ტრანზიტის აღდგენას ვერ უზრუნველყოფს, ის სლოვაკეთიდან უკრაინაში ელექტროენერგიის ექსპორტის შეჩერებას დაიწყებს.
სლოვაკეთის პრემიერმა განაცხადა, რომ თუ უკრაინა ორშაბათამდე, 23 თებერვლამდე, არ აღადგენს რუსული ნავთობის ტრანზიტს სლოვაკეთში დაზიანებული „დრუჟბას“ მილსადენის მეშვეობით, ის „დაავალებს შესაბამის სლოვაკურ კომპანიებს, იმავე დღეს შეაჩერონ უკრაინისთვის საგანგებო ელექტროენერგიის მიწოდება“.
„თუ ზელენსკი ფიქრობს, რომ სლოვაკეთის ნავთობით შანტაჟი უკრაინას ევროკავშირთან დააახლოებს, ის ძალიან ცდება“, - განაცხადა რობერტ ფიცომ.
როგორც უკრაინული მედია წერს, 2026 წლის თებერვალში, სლოვაკეთიდან უკრაინაში ელექტროენერგიის იმპორტმა დაახლოებით 18% შეადგინა.
