მოსკოვს მხოლოდ ზეწოლის ენა ესმის. ის დიპლომატიას სერიოზულად არ აღიქვამს, თუ მას ძალა არ უჭერს მხარს, - ასე ეხმიანება უკრაინის საგარეო საქმეთა მინისტრი, ანდრიი სიბიჰა რუსეთის მიერ უკრაინის ქალაქებზე განხორციელებულ მასშტაბურ იერიშებს.
მისივე თქმით, სამმხრივი მოლაპარაკებების წინ რუსეთის მსგავსი ქმედებები სამშვიდობო ძალისხმევის მიმართ უგულებელყოფაზე მიუთითებს.
„როგორ უგულებელყოფს რუსეთი სამშვიდობო ძალისხმევას: მასშტაბური დარტყმები დრონებითა და რაკეტებით ჟენევაში მოლაპარაკებების მორიგი რაუნდის წინ. მთავარი სამიზნე - ენერგეტიკული და სამოქალაქო ინფრასტრუქტურა. მოსკოვს მხოლოდ ზეწოლის ენა ესმის. ის დიპლომატიას სერიოზულად არ აღიქვამს, თუ მას ძალა არ უჭერს მხარს. სანქციების ახალ პაკეტს, ჩრდილოვანი ფლოტის დაბლოკვას, საზღვაო მომსახურების აკრძალვასა და რუსეთის აგრესიის მონაწილეებისთვის მიმოსვლის აკრძალვას კრიტიკული მნიშვნელობა აქვს. მხოლოდ ჩვენს ერთიანობასა დ სიძლიერეს შეუძლია ამ ომის დასრულება“, - წერს ანდრეი სიბიჰა.
