ბოლოსდაბოლოს დადასტურდა, რომ სუს-ის უფროსი მამუკა მდინარაძე ნამდვილად იმყოფებოდა ამერიკაში და შეხვედრია ტულსი გაბარდს, – ამის შესახებ „ერთიანი ნაციონალური მოძრაობის“ წევრი ბესო შენგელია სოციალურ ქსელში წერს.
„ვინც არ იცის, ტულსი გაბარდი არის დონალდ ტრამპის უახლოესი გარემოცვის წევრი და მის ადმინისტრაციაში იკავებს ეროვნული დაზვერვის დირექტორის უმაღლეს თანამდებობას. ხომ წარმოგიდგენიათ, იქ რა საუბარი გაიმართებოდა. ბატონმა მდინარაძემ იქნებ, კეთილი ინებოს და ქართულ საზოგადოებას გაუმხილოს, რა უთხრეს, დატუქსეს? თუ თავზე ხელი გადაუსვეს და მადლობა უთხრეს იმ ინფორმაციებისთვის, რაც საქართველოდან ჩაიტანა და ჩვენს ყოფილ სტრატეგიულ პარტნიორებს მოახსენა“,- წერს შენგელია.
