ნატო-ში აშშ-ის ელჩმა მეთიუ უიტაკერმა უარყო უკრაინის პრეზიდენტის, ვოლოდიმირ ზელენსკის განცხადება, რომ აშშ-მa უკრაინაში სამშვიდობო შეთანხმების დადების ბოლო ვადა დააწესა. ამის შესახებ The Guardian იუწყება.
„პრეზიდენტმა ზელენსკიმ ივნისის ვადა ახსენა. არა მგონია, რომ ეს ის იყოს, რასაც შეერთებული შტატები წარადგენს“, - თქვა მან.
„ჩვენ გვსურს, რომ ბრძოლა შეწყდეს. ჩვენ გვსურს, რომ ორივე მხარე გაერთიანდეს და სამშვიდობო შეთანხმებაზე მოლაპარაკება აწარმოოს. ჩვენ გვსურს, რომ ეს რაც შეიძლება მალე მოხდეს და... ჩვენ უბრალოდ გვინდა... რომ უკრაინაში ტანჯვა და მკვლელობები შეწყდეს“, - თქვა უიტაკერმა.
მან დასძინა, რომ ასეთ ვითარებაში ვადების დაწესება, როგორც წესი, „ძალიან სახიფათოა“.
„ვფიქრობ, რომ ამას მაშინ გავაკეთებთ, როგორც კი ყველაფერი მზად იქნება.
მაგრამ საბოლოო ჯამში, ორივე მხარეს - რუსებსა და უკრაინელებს - მოუწევთ დაეთანხმონ ნებისმიერ შეთანხმებას, რომელიც მიღწეული იქნება“, - განაცხადა უიტაკერმა.
