6 თებერვალს ამერიკელ მაღალჩინოსნებთან გამართულ მოლაპარაკებებზე ირანმა კვლავ უარი განაცხადა ურანის გამდიდრების შეწყვეტაზე, თუმცა გამოხატა მზადყოფნა საკითხის დიპლომატიურად მოგვარების მიმართ, რითაც შესაძლებელი იქნება აშშ-ს დარტყმის თავიდან არიდება. ამის შესახებ გამოცემა Wall Street Journal იუწყება.
ქვეყანა ასევე არ გამორიცხავს რეგიონული კონსორციუმის შექმნას.
ამასთან, Reuters-ის წყაროს თქმით, თეირანს მიაჩნია, რომ ამერიკელმა მომლაპარაკებლებმა „როგორც ჩანს, გაიგეს ირანის პოზიცია გამდიდრების საკითხზე და გამოიჩინეს მოქნილობა თეირანის მოთხოვნების მიმართ“.
WSJ-ს წყაროებმა ასევე აცნობეს, რომ აშშ-სა და ირანის დელეგაციები ერთმანეთს პირისპირ არ შეხვედრიან, არამედ ერთმანეთს ომანელი დიპლომატების მეშვეობით ელაპარაკებოდნენ. წყაროების თქმით, თავდაპირველი პოზიცია არცერთ მხარეს არ შეუცვლია.
