აშშ-ის ვიცე-პრეზიდენტი, ჯეი დი ვენსი მილანში ჩავიდა, სადაც ზამთრის ოლიმპიადის გახსნის ცერემონიას დაესწრება. ამის შესახებ Reuters იუწყება.
აშშ-ის ვიცე-პრეზიდენტი, ჯეი დი ვენსი მილანში 2026 წლის ზამთრის ოლიმპიური თამაშების გახსნის ცერემონიის წინ ოჯახთან ერთად ჩავიდა.
ზამთრის ოლიმპიადის გახსნის ხვალინდელ ცერემონიაზე აშშ-ის დელეგაციას სახელმწიფო მდივანი, მარკო რუბიოც შეუერთდება.
გახსნის ცერემონიის მთავარი ღონისძიება მილანის სან-სიროს ოლიმპიურ სტადიონზე გაიმართება.
Associated Press-ის ცნობით, იტალიის შემდეგ აშშ-ის ვიცე-პრეზიდენტი აზერბაიჯანსა და სომხეთს დიპლომატიური ვიზიტით ეწვევა.
