თეთრი სახლის პრესმდივანმა ქეროლაინ ლევიტმა განაცხადა, რომ აშშ-ის პრეზიდენტის სპეციალური წარმომადგენელი სტივ უიტკოფი და დონალდ ტრამპის სიძე ჯარედ კუშნერი 4-5 თებერვალს აბუ-დაბიში დაგეგმილ სამმხრივ მოლაპარაკებებში მიიღებენ მონაწილეობას, რომელიც უკრაინას, აშშ-სა და რუსეთს შორის გაიმართება.
ლევიტმა განაცხადა, რომ აშშ-ის პრეზიდენტი დონალდ ტრამპი არ გაკვირვებულა რუსეთის მიერ უკრაინაზე, განსაკუთრებით ენერგეტიკულ ობიექტებზე განხორციელებული ბოლო თავდასხმით. მისი თქმით, ომი არ დაიწყებოდა, ტრამპი, რომ ხელისუფლებაში ყოლფილიყო და ყოფილი პრეზიდენტი ჯო ბაიდენს დაადანაშაულა.
„სწორედ ამიტომ აგრძელებს პრეზიდენტი ასეთი აგრესიული დიპლომატიური პოლიტიკის გატარებას ამ ომის დასასრულებლად. სწორედ ამიტომ, სპეციალური წარმომადგენელი უდა ჯარედ კუშნერი ხვალ აბუ დაბიში სამმხრივი მოლაპარაკებების კიდევ ერთ რაუნდში იქნებიან“, - განაცხადა თეთრი სახლის პრესმდივანმა.
მან აღნიშნა, რომ არაბთა გაერთიანებულ საამიროებში სამმხრივი მოლაპარაკებები „ისტორიულია“, რადგან „ჩვენს სამ ქვეყანას არასდროს ჰქონია შესაძლებლობა მოლაპარაკებების მაგიდასთან მშვიდობისკენ წინ წაწეულიყო“.
„სპეციალურმა წარმომადგენელმა (უიტკოფმა), ჯარედ კუშნერმა და პრეზიდენტმა ტრამპმა შეუძლებელი შესაძლებელი გახადეს ახლო აღმოსავლეთის მშვიდობის საკითხში და ვიცი, რომ ისინი ვალდებულნი არიან იგივე გააკეთონ რუსეთსა და უკრაინას შორის ომთან დაკავშირებით“, - დასძინა ლევიტმა.
