ევროკომისიის პრეზიდენტმა ურსულა ფონ დერ ლაიენმა და პრეზიდენტმა ვოლოდიმირ ზელენსკიმ ამ კვირაში დაგეგმილი „სამშვიდობო მოლაპარაკებების“ წინ ისაუბრეს. ამის შესახებ ფონ დერ ლაიენი Х-ზე წერს.
უკრაინის პრეზიდენტთან საუბრის შემდეგ ფონ დერ ლაიენმა განაცხადა, რომ წლიდან წლამდე ევროპის მხარდაჭერა უკრაინის მიმართ ურყევი რჩება.
„მაშინ, როდესაც უკრაინის წინააღმდეგ სასტიკი ომის მეოთხე წელს ვუახლოვდებით, რუსეთი აგრძელებს ომის დანაშაულების ჩადენას, რაც სამოქალაქო ინფრასტრუქტურასა და საცხოვრებელ შენობების წინააღმდეგაა მიმართული“, - აღნიშნა მან.
ევროკომისიის პრეზიდენტმა აღნიშნა, რომ ევროკავშირი უკრაინაში ასობით გენერატორს აგზავნის სითბოს და ელექტროენერგიის მიწოდების მიზნით და ასევე ძალიან მალე წარადგენს რუსეთის წინააღმდეგ სანქციების მე-20 პაკეტს.
„საქმე რუსეთზე ზეწოლის გაზრდას ეხება, რათა აიძულონ იგი მოლაპარაკებების მაგიდასთან მშვიდობის მიღწევის ნამდვილი განზრახვით დაჯდეს“, - თქვა ევროკომისიის პრეზიდენტმა.
