17 თებერვალს პარლამენტის პლენარულ სხდომაზე მიხეილ ყაველაშვილი ყოველწლიური მოხსენებით გამოვა. რეგლამენტის მიხედვით, პარლამენტი ქვეყნის მდგომარეობის უმნიშვნელოვანეს საკითხებზე პრეზიდენტის მოხსენებას საგაზაფხულო სესიის პირველი პლენარულ სხდომაზე ისმენს. საგაზაფხულო სესიის პირველი პლენარულ სხდომა კი, თებერვლის პირველ სამშაბათს - 3 თებერვალს უნდა ჩატარდეს.
როგორც პარლამენტის თავმჯდომარემ შალვა პაპუაშვილმა ბიუროს სხდომაზე განმარტა, მომავალ კვირას დაგეგმილია პრემიერ-მინისტრის უცხოეთში ვიზიტი. მისი თქმით, იმის გათვალისწინებით, რომ მნიშვნელოვანია პრეზიდენტის მოხსენებას მთავრობა ესწრებოდეს, თარიღი დაკორექტირდა და გადაწყდა, რომ მიხეილ ყაველაშვილს პარლამენტი 17 თებერვალს მოუსმენს.
