ირანის საგარეო საქმეთა მინისტრმა, აბას არაღჩიმ, განაცხადა, რომ თეირანი მზადაა „დაუყოვნებლივ და ძლიერად უპასუხოს ნებისმიერ აგრესიას“. ამის შესახებ ის Х-ზე წერს.
„ჩვენი შეიარაღებული ძალები მზად არიან - თითები სასხლეტზე აქვთ - მზად არიან დაუყოვნებლივ და ძლიურად უპასუხონ ნებისმიერ აგრესიას ჩვენი სახმელეთო, საჰაერო და საზღვაო ძალების წინააღმდეგ,“ - წერს აბას არაღჩი.
მისი თქმით, „12-დღიანი ომისგან მიღებულმა გაკვეთილებმა“ თეირანს საშუალება მისცა „კიდევ უფრო ძლიერი, სწრაფი და ღრმა რეაგირება მოეხდინა“.
„ამავდროულად, ირანი ყოველთვის მიესალმებოდა ურთიერთსასარგებლო, სამართლიან და თანასწორ ბირთვულ შეთანხმებას - თანასწორი პირობებით და იძულების, მუქარისა და დაშინების გარეშე, რომელიც უზრუნველყოფს ირანის უფლებას მშვიდობიანი ბირთვული ტექნოლოგიების გამოყენებაზე და უზრუნველყოფს ბირთვული იარაღის არარსებობას“, - წერს არაღჩი და ხაზ უსვამს, რომირანი, ბირთვული იარაღის მოპოვებას არ ცდილობს.
