უკრაინული მედიის ცნობით, გუშინ ღამით რუსებმა უკრაინის რამდენიმე რეგიონს დრონებითა და ბალისტიკური რაკეტებით შეუტიეს.
დარტყმები დაფიქსირდა საცხოვრებელ კორპუსებსა და ინფრასტრუქტურულ ობიექტებზე. არიან დაღუპულები.
კიევის ოლქის სახელმწიფო ადმინისტრაციის ხელმძღვანელის, ნიკოლა კალაშნიკის განცხადებით, თავდასხმის შედეგად კიევის ოლქის ბელოგოროდსკის თემი დაზარალდა.
ხანძარი მრავალსართულიანი საცხოვრებელი კორპუსის სახურავსა და ზედა სართულს გაუჩნდა.
თავდასხმის შედეგად ორი ადამიანი დაიღუპა და ოთხი დაშავდა.
რუსებმა ასევე შეუტიეს კრივი რიჰს. დაშავდა 2 ადამიანი.
რუსებმა დარტყმა განახორციელეს ზაპოროჟიეში საცხოვრებელი კორპუსზე და მიმდებარე ტერიტორიაზე.
ასზე მეტი ბინა და ოცამდე მანქანა დაზიანდა, გაჩნდა ხანძარი.
ასევე, ზედიზედ მეორე ღამეს მტრის მასიური თავდასხმის ქვეშ მოექცა ოდესა.
თავდასხმების შედეგად დაზიანდა საცხოვრებელი და რელიგიური ნაგებობები. დაშავდა სამი ადამიანი.
