უკრაინის საგარეო საქმეთა მინისტრმა ანდრიი სიბიჰამ განაცხადა, რომ პრეზიდენტი ვოლოდიმირ ზელენსკი მზადაა პირადად შეხვდეს ვლადიმირ პუტინს სამშვიდობო მოლაპარაკებების ფარგლებში ორი ძირითადი საკითხის - ტერიტორიებისა და ზაპოროჟიეს ატომური ელექტროსადგურის - გადასაჭრელად.
ამის შესახებ სიბიჰამ უკრაინულ მედიასთან ინტერვიუში განაცხადა.
საგარეო საქმეთა მინისტრმა განაცხადა, რომ სამშვიდობო პროცესში ორი ყველაზე მგრძნობიარე საკითხი კვლავ გადაუჭრელი რჩება: ტერიტორიული საკითხები და ზაპოროჟიეს ატომურ ელექტროსადგურზე მომავალი კონტროლი.
„სწორედ ამ [საკითხების] გადასაჭრელად პრეზიდენტი მზადაა შეხვდეს პუტინს და განიხილოს ეს საკითხები “, - განაცხადა მინისტრმა.
ამავდროულად, მან დასძინა, რომ რუსეთის საგარეო საქმეთა მინისტრ სერგეი ლავროვთან შეხვედრის საჭიროებას ვერ ხედავს.
„ჩვენ არ უნდა შევქმნათ პარალელური ტრაექტორიები. ჩამოყალიბდა მოლაპარაკების ჯგუფები, მათ შორის საგარეო საქმეთა სამინისტროს წარმომადგენლები. და დამატებითი ტრეკების შექმნა არც აქტუალურია და არც აუცილებელი“, - თქვა სიბიჰამ.
მან ასევე განაცხადა, რომ მომლაპარაკებელმა ჯგუფებმა უკვე გამართეს არსებითი დისკუსიები ცეცხლის შეწყვეტის პარამეტრებთან და ცეცხლის შეწყვეტის მონიტორინგის ან შემოწმების პროცედურასთან დაკავშირებით.
