რომის პაპი ლეო XIV აცხადებს, რომ უკრაინაში მშვიდობიანი მოსახლეობა იტანჯება. მისი თქმით, ომი რაც შეიძლება სწრაფად უნდა დასრულდეს.
რომის პაპმა წმინდა პეტრეს მოედანზე ლოცვის წაკითხვის შემდეგ განაცხადა, რომ უკრაინაზე თავდასხმების ზამთრის ცივ დღეებშიც გრძელდება.
„ამ დღეებშიც კი, უკრაინა კვლავ განიცდის დაუნდობელ თავდასხმებს, რაც მთელ მოსახლეობას ზამთრის სიცივის წინაშე დაუცველს ტოვებს. მწუხარებით ვადევნებ თვალყურს მიმდინარე მოვლენებს, ახლოს ვარ მათთან, ვინც იტანჯება და ვლოცულობ მათთვის. სამხედრო მოქმედებების გაგრძელება, რაც მშვიდობიანი მოსახლეობისთვის სულ უფრო სერიოზულ შედეგებს იწვევს, აღრმავებს ერებს შორის არსებულ დაყოფას და კიდევ უფრო გვაშორებს სამართლიანი და მდგრადი მშვიდობისგან. მოვუწოდებ ყველას, კიდევ უფრო გააძლიერონ ძალისხმევა ამ ომის დასასრულებლად “, - აღნიშნა პაპმა.
