უკრაინის პრეზიდენტი ვოლოდიმირ ზელენსკი და პირველი ლედი ოლენა ზელენსკა ვილნიუსში იანვრის აჯანყების წლისთავისადმი მიძღვნილ ღონისძიებებში მონაწილეობის მისაღებად ჩავიდნენ.
ამის შესახებ უკრაინული მედია უკრაინის პრეზიდენტის პრესმდივნის, სერჰიი ნიკიფოროვზე დაყრდნობით იუწყება.
ვილნიუსში ვოლოდიმირ ზელენსკი ლიეტუვისა და პოლონეთის პრეზიდენტებთან - გიტანას ნაუსედასთან და კაროლ ნავროცკისთან - ლუბლინის სამკუთხედის ფორმატში შეხვედრებს გამართავს. შეხვედრის შემდეგ ერთობლივი პრესკონფერენცია იგეგმება.
პრეზიდენტები ასევე ერთობლივად მიიღებენ მონაწილეობას იანვრის აჯანყების 163-ე წლისთავისადმი მიძღვნილ საზეიმო ღონისძიებებში. საუბარია რუსეთის თვითმპყრობელობის წინააღმდეგ ყოფილი პოლონეთ-ლიეტუვის თანამეგობრობის ხალხების შეიარაღებულ აჯანყებაზე.
