უკრაინული მედიის ცნობით, 24 იანვრის ღამეს, რუსეთის საოკუპაციო ძალებმა დრონებისა და ბალისტიკური რაკეტების გამოყენებით, კიევზე კომბინირებული იერიში მიიტანეს.
დარტყმები სამ რაიონში დაფიქსირდა, დაიღუპა სულ მცირე ერთი და მძიმედ დაშავდა სამი ადამიანი.
დარნიცის რაიონში დაზიანდა სამედიცინო დაწესებულება. დნიპროს რაიონში ცეცხლი გაუჩნდა საწვავის ავზს.
კიევის მეტროპოლიტენის „მწვანე“ ხაზი შეზღუდულ რეჟიმში მუშაობს თავდასხმის შედეგად დაზიანებული მატარებლების გამო. ასევე უკრაინის დედაქალაქის ნაწილში პრობლემებია გათბობასა და წყალმომარაგებასთან დაკავშირებით.
