შეერთებული შტატების პრეზიდენტის, დონალდ ტრამპის ადმინისტრაცია კუბის მთავრობაში აქტიურად ეძებს პირებს, რომლებსაც შეეძლებათ წლის ბოლომდე ამჟამინდელი პოლიტიკური რეჟიმის ცვლილებაში დახმარეა. ინფორმაციას The Wall Street Journal-ი წყაროებზე დაურდნობით ავრცელებს.
გამოცემის ცნობით, აშშ-ის ადმინისტრაცია მიიჩნევს, რომ კუბის ეკონომიკა ახლა "კოლაფსის ზღვარზეა" და მთავრობა "უფრო დაუცველია, ვიდრე ოდესმე" მას შემდეგ, რაც მადუროს სახით მნიშვნელოვანი მფარველი დაკარგა.
წყაროების ინფორმაციით, აშშ-ის ოფიციალურ პირებს ამჟამად არ აქვთ „კონკრეტული გეგმა“ კუბაში რეჟიმის ცვლილების შესახებ.
პარასკევს, კუბის პრეზიდენტმა მიგელ დიას-კანელმა განაცხადა, რომ ჰავანასა და ვაშინგტონს შორის იძულების პირობებში რაიმე სახის ურთიერთგაგების მიღწევა შეუძლებელია.
მადუროს დაკავების ოპერაციის შემდეგ, აშშ-ის პრეზიდენტმა არაერთხელ განაცხადა, რომ კუბა შეიძლება მისი ერთ-ერთი შემდეგი სამიზნე იყოს.
