დონალდ ტრამპის სამშვიდობო პოლიტიკა გულისხმობს, რომ რუსული გავლენები უნდა შემცირდეს, ჩრდილოვანი ფლოტის საქმიანობა უნდა შეჩერდეს, – ამის შესახებ „ნაციონალური მოძრაობის“ წევრმა, ლაშა ფარულავამ განაცხადა.
მისი თქმით, ამაზე მუდმივად საუბრობს, ამასთან დაკავშირებით შეერთებულმა შტატებმა კონკრეტული ნაბიჯები გადადგა და ამას მოითხოვს ევროკავშირის მხრიდან.
„სატარიფო ომი და სხვადასხვა ეკონომიკური საკითხის წამოჭრა იმასთან დაკავშირებით ხდება, რომ აშშ-ს რუსული რეჟიმის შებოჭვისა და მშვიდობის დამყარების მკაფიო გეგმა აქვს. ცხადია, ჩვენ ამ გეგმას ვუერთდებით და მათ შორის იმას, რომ ევროკავშირმა უნდა გადადგას ქმედითი და ეფექტიანი ნაბიჯები. ცხადია, რომ ამას აშშ ითხოვს“, – განაცხადა ფარულავამ. [პირველი არხი]
