ბულგარეთის პრეზიდენტი რუმენ რადევი გადადგა. ამის შესახებ მან ხალხისადმი მიმართვაში განაცხადა. რადევის თქმით, ის თანამდებობას 20 იანვარს დატოვებს.
„ხვალ, 20 იანვარს დილით, თანამდებობიდან გადადგომის შესახებ განცხადებას დავწერ. დარწმუნებული ვარ, რომ ვიცე-პრეზიდენტი ილიანა იოტოვა პრეზიდენტის პოსტზე ჩემი ღირსეული შემცვლელი იქნება“, - განაცხადა რადევმა.
მისი თქმით, პოლიტიკურმა კლასმა ვერ შეძლო ოლიგარქიასთან ბრძოლა, ხოლო დემოკრატია ვერ გადარჩება, თუ მას კორუმპირებულ პირებს, კომპრომისებზე წამსვლელებს და ექსტრემისტებს მიანდობენ.
ადგილობრივი მედიაში ვრცელდება ინფორმაცია რომ რადევმა შესაძლოა, თავისი პოლიტიკური პარტია ჩამოაყალიბოს და და გაზაფხულზე დაგეგმილ ვადამდელ საპარლამენტო არჩევნებში მიიღოს მონაწილეობა.
ცნობისათვის, დეკემბერში ბიუჯეტისა და კორუფციის წინააღმდეგ საპროტესტო აქციების ფონზე ბულგარეთის ყოფილი პრემიერ-მინისტრის, როსენ ჟელიაზკოვის კოალიციური მთავრობა გადადგა, ხოლო პოლიტიკურმა პარტიებმა ახალი მთავრობის ფორმირება ვერ შეძლეს, რის გამოც მომდევნო რამდენიმე თვეში ბულგარეთში ვადამდელი საპარლამენტო არჩევნები გაიმართება.
