აშშ-ის პრეზიდენტი დონალდ ტრამპი ვენესუელის მოქმედ პრეზიდენტს ესაუბრა. ინფორმაციას The Guardian ავრცელებს.
როგორც ტრამპმა აღნიშნა, როდრიგესთან ერთად ნავთობის, მინერალების, ვაჭრობისა და უსაფრთხოების საკითხები განიხილა.
„ძალიან კარგი საუბარი მქონდა ვენესუელის დროებით პრეზიდენტთან, დელსი როდრიგესთან. ჩვენ უზარმაზარ პროგრესს ვაღწევთ, რადგან ვენესუელას სტაბილიზაციასა და აღდგენაში ვეხმარებით. ბევრი თემა განვიხილეთ, მათ შორის ნავთობი, მინერალები, ვაჭრობა და, რა თქმა უნდა, ეროვნული უსაფრთხოება. ამერიკის შეერთებულ შტატებსა და ვენესუელას შორის ეს პარტნიორობა ყველასთვის თვალსაჩინო იქნება. ვენესუელა მალე კვლავ დიდი და აყვავებული გახდება, შესაძლოა, უფრო მეტად, ვიდრე ოდესმე“, – წერს ტრამპი.
დელსი როდრიგესის ცნობით, დონალდ ტრამპთან „ხანგრძლივი და თავაზიანი სატელეფონო საუბარი გამართა“.
„ჩვენი ხალხისთვის სასარგებლო ორმხრივი სამუშაო დღის წესრიგი და ჩვენს მთავრობებს შორის არსებული მოსაგვარებელი საკითხები განვიხილეთ“, - დაწერა როდრიგესმა X-ზე.
