საფრანგეთის პრეზიდენტი ემანუელ მაკრონი აცხადებს, რომ საფრანგეთი გრენლანდიაში დანიის მიერ ორგანიზებულ წვრთნებში მონაწილეობას მიიღებს.
საფრანგეთის პრეზიდენტის ცნობით, ოპერაციას „არქტიკის გამძლეობა“ ეწოდება და პირველი ფრანგული დანაყოფები უკვე გზაში არიან.
„დანიის თხოვნით გადავწყვიტე, რომ საფრანგეთი მონაწილეობას მიიღებს დანიის მიერ გრენლანდიაში ორგანიზებულ ერთობლივ წვრთნებში, ოპერაცია „არქტიკული გამძლეობაში“. პირველი ფრანგული სამხედრო ელემენტები უკვე გზაშია. მას სხვებიც მიჰყვებიან“, – წერს მაკრონი.
გერმანული მედიის ინფორმაციით, ბუნდესვერის სამხედროების ჯგუფს გრენლანდიაში გერმანიის კანცლერის, ფრიდრიხ მერცის მთავრობაც გაგზავნის.
