საქართველო და სომხეთი საბაჟო-გამშვები პუნქტის ერთობლივ მართვაზე ხელშეკრულებას გააფორმებენ.
როგორც "ჯი-ეიჩ-ენის" კორესპონდენტი სომხეთიდან იუწყება, ხელშეკრულება საქართველოსა და სომხეთის მთავრობებს შორის გაფორმდება.
ხელშეკრულების მიხედვით მხარეები რამოდენიმე საბაჟო-გამშვებ პუნქტს ერთობლივად გააკონტროლებენ.
ხელშეკრულების გაფორმების შემდგომ კი მხარეები "ბაგრატაშენ-სადახლოს", "აირუმ-სადახლოს", "გოგავან-გეგუთის", "ბავრა-ნინოწმინდის" ერთობლივ კონტროლს განახორციელებენ.
როგორც დღეს მთავრობის სხდომაზე სომხეთის პრემიერ-მინისტრმა ტიგრან სარქისიანმა განაცხადა, აღნიშნული ხელშეკრულების გაფორმება ორივე ქვეყნისათვის მნიშვნელოვანი ფაქტია.
მანვე გამოთქვა იმედი, რომ საქართველოს პრემიერ-მინისტრის ვიზიტამდე (რომელიც სომხეთში 15 თებერვლისთვის იგეგმება) ყველა საჭირო დოკუმენტზე მუშაობა დასრულდება.
