"ფოთის გაფორმების ეკონომიკური ზონის" გახსნა დროებით გადადიდო. ფოთის გეზის გახსნა 11 თებერვლისთვის იყო დაანონსებული, თუმცა მისი გახსნა გადაიდო, რაც არაოფიციალური ინფორმაციით, პრეზიდენტ სააკაშვილის პარლამენტში წლიურ გამოსვლას უკავშირდება.
ფოთის გაფორმების ეკონომიკური ზონა (გეზი) 9 ჰექტარზე გაშენებული. სპეციალურად დაგეგმარებული ავტოსადგომი გათვლილია 650 სატვირთო ავტომანქანაზე.
შესაძლებელია ერთდროულიად ნებისმიერი რაოდენობის იმპორტიორის მომსახურება კვირაში შვიდი დღე, 24 საათის განმავლობაში. ტვირთის გაფორმებისას, იმპორტიორს აღარ უწევს ძვირადღირებული ბროკერისა და დეკლარატის დაქირავება.
შესაძლებელია იმპორტიორმა დაისვენოს იმ დროს, სანამ მისი ტვირთი გადის გაფორმების პროცედურას. იმპორტიორის სრული ინფორმირება ხდება ერთ ფანჯარასთან, რითაც იგი ზოგავს დროსა და ენერგიას. იმპორტიორს შესაძლებლობა აქვს, ისარგებლოს ექსპერტისა და ტექნიკური პერსონალის მომსახურებით. გეზში ტვირთის გაფორმების საფასურის გადახდა შესაძლებელია 5-დღიანი გადავადებით. ტვირთის გაფორმების სრული პროცედურა აქ რამდენიმე წუთში სრულდება.
გაფორმების ეკონომიკური ზონის შექმნა ახალი ეკონომიკური კურსის ნაწილია, რომელიც ითვალისწინებს სამართლიანი, მარტივი და სანდო საგადასახადო სისტემის შეთავაზებას ბიზნესისთვის.
შეგახსენებთ, რომ 24 იანვარს ადლიის გაფორმების ეკონომიკური ზონა (გეზი) ოფიციალურად გაიხსნება, ხოლო ლილოს გეზის გახსნა ოფიციალურად 2010 წლის 3 დეკემბერს გაიმართა.