მსოფლიო ბანკი რეგულარულად ატარებს ქვეყნების სტატისტიკური პოტენციალის შეფასებას.
პოტენციალის მაჩვენებლის გაანგარიშებისთვის განისაზღვრება საერთაშორისო სტანდარტებისა და რეკომენდაციებისადმი ქვეყნის ოფიციალური სტატისტიკის შესაბამისობა სამ სფეროში: მეთოდოლოგია, მონაცემთა წყაროები, სტატისტიკური მონაცემების გამოქვეყნების პერიოდულობა და დროულობა. საქართველოს სტატისტიკური პოტენციალის მაჩვენებელი 2004-2010 წლებში 67-დან 94 ქულამდე (40 პროცენტით) გაიზარდა.
აღსანიშნავია, რომ ზრდის მაჩვენებელი ყველაზე მაღალია ევროპის და ცენტრალური აზიის რეგიონის განვითარებად ქვეყნებში. პოტენციალი ფასდება 100 ქულიანი სისტემით. 100 ქულა არის ის მაქსიმუმი, რასაც განვითარებადი ქვეყნის სტატისტიკური სისტემა უნდა აკმაყოფილებდეს. საქართველოს მაჩვენებელი მნიშვნელოვნად აღემატება განვითარებადი ქვეყნების საშუალო მაჩვენებელს, რაც 65-ს შეადგენს.