2010 წელს "ინტერ რაოს" შემოსავლები 30 %-ით გაიზარდა, (მაშინ როდესაც 2009 წელს კომპანიის შემოსავალი 46,8 მლრდ. რუბლი იყო), შედეგად კომპანიის მოგებამ რეკორდულ მაჩვენებელს მიაღწია, აღნიშნავს "ინტერ რაოს" ხელმძღვანელი ბორის კოვალჩუკი.
მისივე ინფორმაციით, 2010 წელს კომპანიის სუფთა მოგებამ 2,652 მლრდ. რუბლი შეადგინა, მაშინ როდესაც 2009 წელს კომპანიამ 1,25 მლრდ. რუბლის ზარალი განიცადა.
კოვალჩუკმა აღნიშნა ისიც, რომ "ინტერ რაოს" არ მიუღია დივიდენდები იმ აქტივებიდან, რომლებიც "ამ ეტაპზე კონსოლიდირებულია და ამ დროისათვის კომპანიაში არ არის".
შეგახსენებთ, რომ "ინტერ რაო" რუსული კომპანია, რომლიც აქტივებს ფლობს რუსეთში, საქართველოში, სომხეთში, ყაზახეთში, ფინეთში. კომპანიის სადგურების ჯამური სიმძლავრე 18 ათასი მგვტ-ია., ხოლო საწესდებო კაპიტალი 63,897 მლრდ. რუბლი, საიდანაც 57,3 %-ს მთავარი კორპორაცია « Росатом» ფლობს