კომპანია "დიდუბის მარკეტი" ახალი სამაცივრე მეურნეობის დატვირთვის მიზნით, მოიჯარეთა დარეგისტრირებას დღეიდან იწყებს.
"დიდუბის მარკეტი" თანამედროვე სტანდარტების სამაცივრე მეურნეობას თბილისის ცენტრში, დიდუბეში გახნის და ექსპლუატაციაში პირველ აპრილს გაუშვებს, თუმცა მისი დატვირთვა ეტაპობრივად მარტიდან დაიწყება.
სამაცივრე მეურნეობა 1500 კვ. მეტრის ფართზეა განთავსებული, თუმცა სრულად დამხმარე ტერიტორია 7000 კვ. მეტრს მოიცავს. სამაცივრე მეურნეობა ცნობილი იტალიური კომპანიის "ტექნო ბლოკი" დანადგარებით არის აღჭურვილი.
მეურნეობა გათვლილია როგორც ხორც-პროდუქტებისა და თევზის, ასევე ხილ-ბოსტნეულის შესანახად.
მენეჯმენტი დაინტერესებულ კომპანიებსა და კერძო პირებს სავაჭრო ფართით სარგებლობის შესაძლებლობასაც აძლევს - ყოველ სამაცივრე საკანს საკუთარი სავაჭრო ფართი გააჩნია, რომლის გამოყენება მოიჯარისაგან დამატებითი საფასურის გადახდას არ მოითხოვს. საკანთან ერთად სავაჭრო ფართით სარგებლობა მცირე, საშუალო და მსხვილი კომპანიებისთვის დროისა და ფინანსების დაზოგვის შესაძლებლობას ქმნის.
მენეჯმენტი განმარტავს, რომ სამაცივრე მეურნეობის მომსახურების ტარიფები ბაზარზე მოქმედ ფასებთან კონკურენტუნარიანი იქნება, მინიმალური ფართი მოიჯარისათვის 63 კვ. მეტრით განისაზღვრება.
„დიდუბის მარკეტი" „საქინვესტის" შვილობილი კომპანიაა, რომელიც თავის მხრივ ჰოლდინგის „საქართველოს ინდუსტრიული ჯგუფი" შემადგენლობაში შედის.