ბიზნესომბუდსმენი გიორგი პერტაია კერძო სექტორის წარმომადგენლებთან აქტიურ შეხვედრებს იწყებს. პერტაია დღეს სასტუმრო "თბილისი მარიოტში" ბიზნესგაერთიანების წარმომადგენლებს შეხვდა და კერძო სექტორში არსებული ვითარება მათგან კიდევ ერთხელ მოისმინა. პერტაია აცხადებბს, რომ ბიზნესთან ურთიერთობები უნდა აეწყოს, რაშიც მას კომუნიკაციის ისეთი საშუალებებიც დაეხმარება, როგორიცაა ცხელი ხაზი და ბიზნესომბუდსმენის აპარატის ვებგვერდი.
"მაინტერესებს, რა პრობლემები არსებობს დღეისათვის ბიზნესში. მნიშვნელოვანია, რომ ნებისმიერმა ბიზნესმენმა, მიუხედავად იმისა, არის თუ არა ბიზნესგაერთიანების წევრი, ჩვენამდე მოიტანოს ის პრობლემები, რაც რეალურად აწუხებს. სპეციალური საკომუნიკაციო საშუალებები სრულყოფილად ამოქმედდება. ჯერჯერობით ვმუშაობთ ვებგვერდზე, ხოლო ცხელი ხაზი უვე მოქმედებს. ბიზნესიდან წამოსული პრობლემების შემდეგ ჩემი მხრიდან რეაგირება იქნება ის, რომ ამ პრობლემებზე პირისპირ ველაპარაკები პრემიერ-მინისტრს, ფინანსთა მინისტრს და სხვა მინისტრებს, ამა თუ იმ პრობლემიდან გამომდინარე. ნებისმიერი სამინისტროს კარი ჩემთვის ღიაა და საშუალება არსებობს, შუამდგომლობა გავწიო ადმინისტრირებაზე, ან თუნდაც კანონმდებლობის შეცვლაზე", - განაცხადა ბიზნესომბუდსცმენმა.
თავად ბიზნესი ამბობს, რომ პრობლემები არის, რაც ძირითადად საგადასახადოსთან ურთიერთობაში გამოიხატება.
"ბიზნესასოცაციის" წევრებს სხვადასხვა სახის პრობლემები აწუხებთ. ჩვვენ გვინდა, რომ ბიზნესომბუდსმენთან დიალოგისას ადმინისტრიებაზე გავამახვილოთ ყურადღება, თუ როგორ ხდება შემოწმება, სწორად ხდება თუ არა რეაგირება. მთავარია, კომპანიის შემოწმების პროცესი კარგად წავიდეს, მართალია ამ მიმართულებით რაღაც ნაბიჯები გადაიდგა, თუმცა ბიზნესი მაინც უკმაყოფილოა. ძირითადი პრობლემა არის ის, რომ საგადასახადო ორგანო არასრულფასოვნად სწავლობს ამ თუ იმ კომპანიას. არის შემთხვევები, როდესაც არ კითხულობენ ისეთ დეტალებს, რაზედაც პასუხი შეიძლება კომპანიას ჰქონდეს. ეს ყველაფერი კი ფიქსირდება აქტში და ამის შემდმეგ კი კომპანიის მხრიდან დავების განხილვის საბჭოში ამ ყველაფრის გასაჩივრება იწყება", - განაცხადა "ბიზნესასოციაციის" საგადასახადო კომიტეტის თავმჯდომარემ ზურაბ ლალაზაშვილმა.
"ბიზნესასოციაციის" ვიცე-პრეზიდენტი აცხადებს, რომ სასურველი იქნება, თუ მთავრობასა და კერძო სექტოროს შორის ურთიერთობები ისე დალაგდება, რომ საგადასახადო ბიზნესომბუდსმენი საჭირო აღარ იქნება.
"საგადასახადო ომბუდსმენს, რომელსაც ბიზნესსაზოგადოებამ ნდობა გამოუცხადა, ვუსურებ, რომ იყოს ბოლო ომბუდსმენი ამ ქვეყანაში და ამ პოსტის საჭიროება მომავალში საჭირო აღარ იყოს.
კერძო სექტორში პრობლემები არის, დაწყებული საგადასახადო კოდექსიდან, დამთავრებული იმ პრობლემებით, რაც ბიზნესს ყოველდღიურად აქვს. ბიზნესს მარტო ესა თუ ის პრობლემა არ აწუხებს, ბზინესს მთავრობიდან განვითარებისთვის საჭირო მესიჯები და ინფორმაცია ჭირდება, რასაც, იმედია, მივიღებთ", - განაცხადა "ბიზნესასოციაციის" ვიცე-პრეზიდენტმა გიორგი ისაკაძემ.
