აშშ-ის პრეზიდენტმა დონალდ ტრამპმა კვლავ ისაუბრა უკრაინაში არჩევნების ჩატარების აუცილებლობაზე.
„ზელენსკი რეალისტი უნდა იყოს. და გაკვირვებული ვარ, რომ ამდენი ხანი გავიდა მას შემდეგ, რაც უკრაინაში არჩევნები არ ჩატარე ბულა“, - თქვა მან.
მისი თქმით, თითქოს, უკრაინელების 82% რუსეთის ფედერაციასთან სამშვიდობო შეთანხმების დადებას ითხოვს (უცნობია, საიდან აიღო მან ეს სტატისტიკა).
„მათ შეთანხმება სურთ. მე ეს მესმის. ისინი ყოველ კვირას ათასობით ადამიანს კარგავენ. მათ სურთ, რომ ეს დასრულდეს“, - თქვა ტრამპმა.
ის ასევე აცხადებს, რომ უკრაინას „კორუფციასთან დაკავშირებით უზარმაზარი პრობლემა აქვს“.
„ეს არავის ჩრდილს არ ვაყენებ. ხალხი კითხულობს: როდის იქნება არჩევნები? საერთოდ იქნება არჩევნები? თუ უბრალოდ ასე გაგრძელდება?“
აშშ-ის პრეზიდენტმა კიდევ ერთხელ გამოთქვა მოსაზრება, რომ უკრაინაში ომის დასრულების დრო დადგა.
„დროა, ეს ომი დასრულდეს და ვფიქრობ, რომ მისი მოგვარება შესაძლებელია. თუმცა, ტანგოსთვის ორი ადამიანია საჭირო“, - აღნიშნა პოლიტიკოსმა.
ტრამპმა განაცხადა, რომ ევროპელ ლიდერებს ამ შაბათ-კვირას უკრაინისა და აშშ-ის ოფიციალურ პირებთან შეხვედრა სურთ. მან დასძინა, რომ აშშ-ს „სურს, შეხვედრამდე გარკვეული ინფორმაცია ჰქონდეს“ და „დროის კარგვა არ უნდა“.
