"საქართველოში გასატარებელია ისეთივე ღონისძიებები, როგორც აშშ-ში რუზველტმა გაკეთა, როდესაც განავითარა ეროვნული, ყველა სახის მწარმოებლური ეკონომიკა, მრეწველობა და სოფლის მეურნეობა, რომელიც მხოლოდ ადგილობრივ რესურსებს ეფუძნებოდა", - ამის შესახებ პარლამენტში "ქრისტიან-დემოკრატების" ეკონომიკის სფეროს ექსპერტებთან შეხვედრის დროს ეკონომიკის საკითხებში ექსპერტმა სანდრო თვალჭრელიძემ განაცხადა.
"აშშ-ში იმ დროს არაპატრიოტულად მიიჩნეოდა იმპორტირებული საქონლის ყიდვა და ყველა ცდილობდა, ხელი შეეწყო ეროვნული ეკონომიკის განვითარებისთვის", - აღნიშნა ეკონომიკის ექსპერტმა.
მისი თქმით, დღეს საქართველოში სოფლის მეურნეობის განვითარებას დიდი სახსრები არ სჭირდება.
"სასოფლო-სამეურნეო პრობლემებიდან ყველაზე მწვევა კოოპერაციის და მომსახურების არარსებობის პრობლემა. მოსავალი უნდა იყიდებოდეს არა მაშინ, როცა კრეფენ, არამედ როცა ითესება. გლეხი არ უნდა წავიდეს ბაზარში, პირიქით, მასთან უნდა ჩამოვიდეს სამომხმარებლო კომპანია, გლეხი არ უნდა ზრუნავდეს აგროქიმური სამუშაოს ჩატარებაზე, ამას სამომსახურებო კომპანიები უნდა ახორციელებდნენ", - აღნიშნა მან.
მისი თქმით, ძირითადი სახსრები სუბსიდების სახით კი არ უნდა გაეცეს, არამედ მისი მომსახურებაში ჩადება უნდა მოხდეს, ამისთვის კი დღეისთვის გამოყოფილი თანხის ორჯერ მეტი, 100 მილიონი დოლარია წელიწადში საჭირო.
"ექსპერტების ჯგუფმა შევიმუშავეთ გეგმა, რომელის მიხედვითაც, 6 წელიწადში ერთ სულ მოსახლეზე მთლიანმა შიდა პროდუქტმა 10 ათას დოლარს უნდა გადააჭარბოს, ხოლო 20 წელში - 22-23 ათას დოლარს და გავხდებით ისეთივე ქვეყანა, როგორც დანია, მაგრამ ამას სჭირდება ეროვნული კონსენსუსის და თანმიმდევრული განხორციელება", - აღნიშნა თვალჭრელიძემ.
