გაერთიანებული სამეფოსა და ნიდერლანდების პრემიერ-მინისტრებს შორის სატელეფონო საუბარი გაიმართა, რომლის მთავარი თემა უკრაინის მხარდაჭერა და მიმდინარე „სამშვიდობო მოლაპარაკებები“ იყო.
ამის შესახებ ნათქვამია დიდი ბრიტანეთის მთავრობის მიერ შეხვედრის შემდეგ გავრცელებულ განცხადებაში.
დიდი ბრიტანეთის პრემიერ-მინისტრმა კირ სტარმერმა და ნიდერლანდების პრემიერ-მინისტრმა დიკ სხოოფმა განიხილეს რუსეთის მიერ უკრაინაზე, კერძოდ კიევზე ინტენსიური თავდასხმები რაც უკრაინის თავდაცვისთვის საერთაშორისო მხარდაჭერის გაგრძელებას მოითხოვს.
სტარმერმა ასევე მიაწოდა ინფორმაცია თავის კოლეგას 8 დეკემბერს ლონდონში დაგეგმილი შეხვედრის შესახებ, რომელიც საფრანგეთის პრეზიდენტ ემანუელ მაკრონს, გერმანიის კანცლერ ფრიდრიხ მერცს და უკრაინის პრეზიდენტ ვოლოდიმირ ზელენსკის შორის მიმდინარე „სამშვიდობო მოლაპარაკებებსა“ და შემდგომ ნაბიჯებს ეხება.
„ლიდერებმა ხაზგასმით აღნიშნეს, რომ უკრაინის უსაფრთხოება სასიცოცხლოდ მნიშვნელოვანია ევროპის უსაფრთხოებისთვის და რომ მათი ქვეყნები, საერთაშორისო თანამშრომლობის გზით, მათ შორის „მსურველთა კოალიციის“ მეშვეობით, ყოველთვის მხარს დაუჭერენ უკრაინას“, - ნათქვამია განცხადებაში.
