ჩეხეთის პრეზიდენტმა პეტრ პაველმა განაცხადა, რომ რუსეთის გამარჯვება უკრაინაში მთელი დასავლეთისთვის დამარცხება იქნება.
ამის შესახებ მან The Sunday Times-თან ინტერვიუში ისაუბრა.
„თუ ჩვენ რუსეთს მივცემთ საშუალებას ამ კონფლიქტიდან გამარჯვებული გამოვიდეს, ყველა წავაგებთ“, - აღნიშნა მან.
მან დასავლეთის ამჟამინდელი ქცევა მეორე მსოფლიო ომამდე დამშვიდების პოლიტიკას შეადარა. მისი აზრით, აშშ-სა და რუსეთს შორის საიდუმლო მოლაპარაკებების შესახებ ბოლოდროინდელი ბრალდებები, განსაკუთრებით უკრაინის ტერიტორიის გადაცემასთან დაკავშირებით, სახიფათოდ მოგვაგონებს 1938 წლის მიუნხენის შეთანხმებას.
ამჟამინდელი სიტუაციის 1938 წლის მსგავსების კონტექსტში, როდესაც ევროპულმა ქვეყნებმა ადოლფ როგორც პაველმა აღნიშნა, რომ დასავლეთი დამნაშავეა, რომ კვლავ არ ჰყოფნის კოლექტიური გამბედაობა საკუთარი ღირებულებების დასაცავად.
ამავდროულად, მან დასძინა, რომ ყველაფერი უნდა გაკეთდეს იმისათვის, რომ უკრაინამ ეს ომი არ წააგოს.
„ჩვენ უბრალოდ არ შეგვიძლია დავუშვათ, რომ უკრაინამ ეს კონფლიქტი წააგოს. ძალადობის, საჰაერო სივრცის დარღვევების, ცეცხლის წაკიდების და სხვა ჰიბრიდული თავდასხმების (ევროპული ქვეყნების წინააღმდეგ) საფრთხე მხოლოდ გაძლიერდება“, - აღნიშნა პაველმა.
ამავდროულად, მან აღიარა, რომ ევროპას საბოლოოდ დასჭირდება მოსკოვთან უსაფრთხოების ახალი შეთანხმება, მაგრამ მხოლოდ სწორი პირობებით.
„თუ რუსეთთან მომავალ ურთიერთობებზე ვიფიქრებთ, ის მხოლოდ სამშვიდობო შეთანხმების დადების შემდეგ შეიძლება დაიწყოს და იმ პროცესში, რომელიც ევროპაში უსაფრთხოების ახალ შეთანხმებამდე მიგვიყვანს“, - თქვა პაველმა.
