აშშ-ის სამხრეთი სარდლობის ინფორმაციით, 4 დეკემბერს აშშ-ის სამხედრო ძალებმა წყნარი ოკეანის აღმოსავლეთ ნაწილში ნარკოტიკებით ვაჭრობაში ჩართულ გემს დაარტყეს.
მათივე ინფორმაციიტ, დარტყმები პიტ ჰეგსეტის მითითებით, „სამხრეთის შუბმა“ საერთაშორისო წყლებში განახორციელა. თავდასხმის შედეგად ოთხი მამაკაცი დაიღუპა.
"დაზვერვამ დაადასტურა, რომ გემს უკანონო ნარკოტიკები გადაჰქონდა და აღმოსავლეთ წყნარ ოკეანეში ნარკოტრეფიკინგის ცნობილი მარშრუტით გადაადგილდებოდა. გემზე მყოფი ოთხი ნარკოტერორისტი მოკლულია", - აღნიშნულია განცხადებაში.
სექტემბრიდან, აშშ-ის მიერ კარიბის ზღვის აუზსა და წყნარი ოკეანის სანაპიროებთან გემებზე 20-ზე მეტი დარტყმა განხორციელდა. შედეგად, სულ მცირე, 87 ადამიანი დაიღუპა.
