ლატვიის საგარეო საქმეთა მინისტრმა ბაიბა ბრაჟემ, რუსეთის მიერ უკრაინაზე ღამით განხორციელებული მასშტაბური თავდასხმის კომენტირებისას, აღნიშნა, რომ ამის პარალელურად ამერიკული დელეგაცია მომავალ კვირას მოსკოვში ვიზიტისთვის ემზადება. ამის შესახებ ის Х-ზე წერს.
ბრაჟემ აღნიშნა, რომ მიუხედავად იმისა, რომ მსოფლიოს მოსახლეობის უმეტესობა შეერთებულ შტატებში შაბათ-კვირითა და მადლიერების დღით ტკბება, „ჩვეულებრივი უკრაინელები რუსული დაბომბვის ღამის შემდეგ თავშესაფრებიდან გამოდიან“.
„მაშინ, როდესაც მსოფლიოს მოსახლეობის უმეტესობა შაბათ-კვირით ტკბება, აშშ კი - მადლიერების დღით, რიგითი უკრაინელები რუსული დაბომბვის ღამის შემდეგ თავშესაფრებიდან გამოდიან. ეს სამშვიდობო მოლაპარაკებების შემდეგი რაუნდისთვის მზადება და აშშ-ის დელეგატებისთვის კრემლის ჯალათის მისალმებაა, - წერს მინისტრი.
29 ნოემბრის ღამეს რუსეთმა უკრაინაზე კიდევ ერთი მასშტაბური კომბინირებული თავდასხმა განახორციელა, რის შედეგადაც სამი ადამიანი დაიღუპა და ათობით დაშავდა.
უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთმა უკრაინის მიმართულებით 36 რაკეტა და თითქმის 600 დრონი გაუშვა.
