სამხედრო სამსახურში გაწვევის პირველადი აღრიცხვის დროს სამედიცინო შემოწმების მოხსნით სახელმწიფო ბიუჯეტიდან ყოველწლიურად 800 ათასი ლარს დაზოგავს. ამის შესახებ "სამხედრო ვალდებულებისა და სამხედრო სამსახურის შესახებ" კანონპროექტის განხილვისას პრეზიდენტის საპარლამენტო მდივნის მოადგილე ირაკლი გორდულაძემ განაცხადა.
აღნიშნული საკანონმდებლო ინიციატივა პარლამენტმა პლენარულ სხდომაზე პირველი მოსმენით მიიღო.
კანონპროექტის თანახმად, რადგან გაწვევის შესახებ გადაწვეტილების მიღების შემდეგ სამხედრო-სამედიცინო საექსპერტო კომისიის მიერ ხორცილდება, წვევამდელების ვარგისიანობის ხარისხის და კატეგორიის დადგენა აღრიცხვის დროს სამედიცინო შემოწმება დამატებით ღონისძიებას წარმოადგენს, რადგანაც შესაძლებელია ამ პერიოდში მოქალაქის ჯანმრთელობის მდგომარეობის შეცვლა.
როგორც ჯანდაცვის კომიტეტის სხდომაზე გორდილაძემ აღნიშნა, აღნიშნული ცვლილებით, ერთი მხრივ, შემცირდება სახელმწიფო ხარჯები, რადგანაც სამედიცინო კომისიის მიერ წვევამდელების აღრიცხვის დროს შემოწმება გარკვეულ ხარჯს უკავშირდებოდა და მეორე მხრივ, პროცესი უფრო დინამიკური და მარტივი გახდება.
