ტერნოპოლში რუსული ძალების კომბინირებული თავდასხმის შედეგად 21 ადამიანი დაიღუპა, მათ შორის ორი ბავშვი, დაშავდა კიდევ 66 ადამიანი. დაშავებულთა შორის 16 ბავშვია. მაშველებმა 45 ადამიანის გადარჩენა შეძლეს.
„ეს არის ტერნოპილში ორ ადგილას დაღუპულთა საერთო რაოდენობა. ერთგან ცხრასართულიანი შენობის ზედა სართულებს მნიშვნელოვანი ზიანი მიაყენა. მეორე ლოკაციაზე კი ხანძარი მძვინვარებდა“, - განაცხადა ტერნოპოლის ოლქში საგანგებო სიტუაციების სამსახურის მთავარი დირექტორატის პრესსპიკერმა, სერგეი დანილინმა.
მისი ინფორმაციით, სამაშველო ოპერაციები გრძელდება.
უკრაინის პრეზიდენტმა ვოლოდიმირ ზელენსკიმ, რომელიც დღეს, 19 ნოემბერს თურქეთში იმყოფება, სოციალურ ქსელებში დაწერა, რომ ღამის განმავლობაში რუსეთის ჯარებმა უკრაინის წინააღმდეგ გამოიყენეს 470-ზე მეტი დრონი და 48 რაკეტა.
ოთხშაბათს, 19 ნოემბერს, ღამით, რუსეთმა უკრაინის წინააღმდეგ ახალი მასშტაბური საჰაერო დარტყმები დაიწყო. სამიზნე ქალაქებს შორის იყვნენ ხარკოვი, ლვოვი და ტერნოპოლი.
