მსოფლიოს ავტოკონცერნის Toyota Motor Corp-ის სუფთა მოგება 2010-2011 წლების ფინანსური წელის III კვარტალში, 33 %-ით, ანუ 110,9 მლრდ. იენით (1,35 მლრდ. დოლარი) შემცირდა.
კომპანიის გაყიდვებიდან შემოსულმა შემოსავლებმა 2010 წლის ოქტომბერ-ნოემბერში 12 %-ით იკლო და 4,67 ტრილიონი იენი (56,8 მლრდ დოლარი) შეადგინა.
კვარტალური შემოსავლების შემცირება იენის დოლართან მიმართებაში გამყარებით არის გამოწვეული.
Toyota მოგების მნიშვნელოვან ნაწილს ქვეყნის ფარგლებს გარედან იღებს და ვალუტის კურსი ყოველთვის მნიშვნელოვან გავლენას ახდენს საბოლოო შედეგებზე. მოგების შემცირების კიდევ ერთ მიზეზად იაპონიაში გაყიდვების შემცირება სახელდება. ქვეყანაში დასრულდა მთავრობის სტიმულაციის პროგრამა, რომელიც ეკოლოგიურად სუფთა ავტომობილების შეძენა-რეალიზაციას ეხებოდა და შესაბამისად მოთხოვნა ბაზარზე შემცირდა.
მიუხედავად საფინანსო მაჩვენებლების კლებისა ავტოკონცერნმა საპროგნოზო მაჩვენებლები გააუმჯობესა და 2011 წლის 31 მარტისთვის 7,48 მლნ. ავტომობილის გაყიდვას გეგმავს, რაც კომპანიას 6 მლრდ. დოლარის მოგებას მოუტანს. ადრინდელი პროგნოზით, კომპანია 7,1 მლნ. მანქანის გაყიდვას გეგმავდა, საიდანაც 4,25 მლნ. დოლარის მოგება უნდა მიეღო.
შეგახსენებთ, რომ Toyota მსოფლიოს ერთ-ერთი უმსხვილესი ავტომშენებელი კორპორაციაა.