ორშაბათს, 10 ნოემბერს, სასამართლომ დააკმაყოფილა საფრანგეთის ყოფილი პრეზიდენტის, ნიკოლა სარკოზის, პატიმრობიდან გათავისუფლების თხოვნა.
სასამართლომ დაადგინა, რომ „წინასწარი პატიმრობის ვადის გაგრძელება გამართლებული არ არის“. იუწყება Le Figaro
შესაბამისად, სასამართლომ გადაწყვიტა, რომ ყოფილი პრეზიდენტი სასამართლო ზედამხედველობის ქვეშ იქნება, რაც საფრანგეთის დატოვების აკრძალვას მოიცავს.
მან ლა სანტეს ციხე დატოვა და ციხიდან თავის სახლში მივიდა.
ამავდროულად, სასამართლომ სარკოზის აუკრძალა იუსტიციის მინისტრ ჟერალდ დარმანინთან კონტაქტი, რომელმაც ის 29 ოქტომბერს ციხეში მოინახულა.
სარკოზის ადვოკატმა, კრისტოფ ინგრეინმა განაცხადა, რომ დღევანდელი გადაწყვეტილება მხოლოდ პირველი ნაბიჯია და რომ შემდეგი ნაბიჯი სააპელაციო სასამართლო პროცესია.
მოსალოდნელია, რომ საფრანგეთის ყოფილი პრეზიდენტის სააპელაციო სასამართლო პროცესი 2026 წლის მარტში დაიწყება.
