ბათუმში საქალაქო სამგზავრო მიკროავტობუსების ტექნიკური დათვალიერება დაიწყო.
ბათუმის მერიის მიერ გამოცხადებულ კონკურსში 640 განაცხადი შევიდა, თუმცა ტექნიკური დათვალიერებისთვის 464 ავტომანქანა შეირჩევა.
ავტომანქანის გამართულობას მერიის შესბამისი სამსახურის და საპატრულოს წარმომდგენლები ამოწმებენ. ავტომანქანების გამართულობა 20 ბალიანი სისტემით ფასდება. ის მიკროავტობუსები, რომლებიც ტექნიკურ დათვალიერებას წარმატებით გაივლიან, თებერვლის ბოლოს ერთწლინ ნებართვებს მიიღებენ.
სანებართვო თანხას მიკროავტობუსების მფლობელი კომპანიები იხდიან, რის შემდეგაც ისინი ქალაქის სამარშრუტო ხაზებზე გადანაწილდებიან. მიკროავტობუსების ტექნიკურ დათვალიერებაში მერიის პროფკავშირების წევრებიც მონაწილობენ.
მასალის გამოყენების პირობები