აშშ-ის ომის დეპარტამენტის მდივნის პიტ ჰეგსეთის განცხადებით, ამერიკელმა სამხედროებმა კარიბის ზღვის აუზში ნარკოტიკებით მოვაჭრე გემს დაარტყეს. მისივე ინფორმაციით, მოკლულიაგემზე მყოფი სამი ადამიანი.
„დღეს, პრეზიდენტ ტრამპის მითითებით, თავდაცვის დეპარტამენტმა კარიბის ზღვის აუზში ნარკოტიკებით მოვაჭრე კიდევ ერთი გემის წინააღმდეგ სასიკვდილო კინეტიკური დარტყმა განახორციელა, რომელიც ტერორისტულ ორგანიზაციად აღიარებულ ორგანიზაციას (DTO) ეკუთვნოდა.
ჩვენი დაზვერვის ცნობით, ეს გემი, ყველა სხვა გემის მსგავსად, ნარკოტიკების უკანონო კონტრაბანდით იყო დაკავებული, მოძრაობდა ნარკოტიკებით ვაჭრობის ცნობილი მარშრუტით და ნარკოტიკები გადაჰქონდა. საერთაშორისო წყლებში მომხდარი თავდასხმის დროს გემზე სამი ნარკოტერორისტი იმყოფებოდა. სამივე ტერორისტი მოკლულია, თავდასხმის შედეგად არცერთი ამერიკელი სამხედრო მოსამსახურე არ დაშავებულა.
ამ ნარკოტერორისტებს ნარკოტიკები მოაქვთ ჩვენთან, რათა ამერიკელები სამშობლოში მოწამლონ - მათ ეს არ გამოუვათ.
სახელმწიფო დეპარტამენტი მათ ზუსტად ისევე მოექცევა, როგორც „ალ-ქაიდას“ ექცეოდა.
ჩვენ გავაგრძელებთ მათ თაყურის დევნას, რუკის შედგენას, ნადირობას და მოკვლას“, - წერს ჰეგსეთი.
