შშ-ის ძალებმა წყნარ ოკეანეში ნარკომოვაჭრეთა ნავზე დარტყმა განახორციელეს. ამის შესახებ პიტ ჰეგსეთი სოციალურ ქსელში წერს.
მისი თქმით, დაღუპულია ოთხი ადამიანი.
"დღეს, პრეზიდენტ ტრამპის მითითებით, ომის დეპარტამენტმა სასიკვდილო კინეტიკური დარტყმა განახორციელა კიდევ ერთ ნარკოტიკებით ვაჭრობის გემზე.
ეს გემი, ყველა სხვა გემის მსგავსად, ჩვენი დაზვერვისთვის ცნობილი იყო, როგორც ნარკოტიკების უკანონო კონტრაბანდის მონაწილე, ტრანზიტით მოძრაობდა ნარკოტიკებით ვაჭრობის ცნობილი მარშრუტით და ნარკოტიკები გადაჰქონდა. გემზე ოთხი ნარკოტერორისტი იმყოფებოდა, რომლებიც საერთაშორისო წყლებში განხორციელებული დარტყმის დროს დაიღუპნენ. ამ დარტყმის შედეგად აშშ-ის არცერთი სამხედრო მოსამსახურე არ დაშავებულა.
დასავლეთ ნახევარსფერო აღარ არის უსაფრთხო თავშესაფარი ნარკოტერორისტებისთვის, რომლებიც ჩვენს სანაპიროებზე ნარკოტიკებს შემოაქვთ ამერიკელების მოსაწამლად. ომის დეპარტამენტი გააგრძელებს მათ დევნას და განადგურებას, სადაც არ უნდა მოქმედებდნენ", - წერს ჰეგსეთი.
